«Музыка сабағын инновациялық әдіс-тәсілдер арқылы жандандыру» ашық сабақ

11.11.2024 күні  «Ж.А.Тәшенев атындағы университеті» АҚ «Спорт және өнер» факультеті «Саз және ән» кафедрасының ҚР мәдениет қайраткері, магистрант, аға оқытушы Қайнарбаева Айгүл Қалмаханқызы кезектен тыс  Гагарин көшесі-22 корпусында ПиК-24-4к 1-курс студенттерімен бірге  «Домбыра-І» пәні бойынша «Музыка сабағын инновациялық әдіс-тәсілдер арқылы жандандыру» атты тақырыпта ашық сабақ өтті. Ашық сабақ өте қызықты ірі тартымды болды. Оқытушы сабақты бастамас бұрын топты үш топқа бөлді. Ұландар, Гәкку және Махамбет. Сабақ барысы 7-тренд бойынша жүргізілді. 
1.Интербелсенді. (Топқа бөлу) 
2. Тұжырымдама (С.Т.О).
3. Білім-тренд, тәрбие бренд. (жаңа сабақ).
4. Ойын-ойды өcipeді (Сергіту сәті).
5. Ән-көңілдің ажары.
6. Жүзден жүйрік: (дескриптордың бағалаудағы маңызы)
7. «Қоштасу» аялдамасы. (кері байланыс)
Студенттерге «Ақсақ құлан» күйінің аңыздық желісін қағаз түрінде таратып,ондағы күйдің аңызын дұрыс құрастыра білу, домбыра туралы өлең жолдарын толықтырып,жалғасын табу, қазақ ою-өрнектері арқылы ритмдік қимыл қозғалыстар жасау сияқты бірнеше тапсырмалар беріліп орындалды.Сабақ соңында өзін-өзі бағалау жүргізілді. Ұстаздар қауымы да сабақтың қызықты өтуіне атсалысып, берілген тапсырмаларды орындап отырды. Студенттер өздері құрастырған өлең жолдарына әуен табу сияқты қызықты әдістермен жұмыс жасады.Сабақ өте жоғары деңгейде өтті.